Советот ќе поднесе иницијатива пред Уставниот суд за да ги оспори законите за нивните плати и за платите на обвинителите откако собранието ги намали коефициентите. Сметаат дека се во спротвиност со владеење на правото и правната сигурност.
Иако измената на 5 закони со кои беа опфатени и обвинителите и судиите беше со цел да се ограничи можноста за значително или ново покачување на функционерските плати, сепак од советот ги толкуваат како намалување на платите.
Најгласен беше членот Иџет Мемети според кој Собранието демонстрирало неконзистентност во правниот систем и на демонстративен начин ги донело законсмите измени за кои оцени и дека се политички мотивирани.
Претходно и од Судскиот совет најавија иницијатива пред Уставен за законите за нивните плати и за платите на судиите.
Задутре ќе гласаат републичките обвинители за член на советот. Од таму сметаат дека ова воопшто не е вработување какво што забранува изборниот законик во предизборието
Димитриеска потврди и дека без застој течат постапките за избор на обвинители и дисиплинските постпаки Но во судксиот совет дојде до блокада поради ова прашање.
Обидот да ја ревидираат претходната одлука за мирување на постпаките резултираше со жестока дебата и напуштање на тројцата членови Зендели Адеми и Мустафа.
Таа седница продолжува утре, а на дневен ред е и точката дали ќе има избор на двајца членови на советот што спред познавачите но и изворите на Телма е „жешкиот костен“.
Елена Ивановска Мукоска