Македонската женска ракометна репрезентација ги доби ривалите на Европското првенство што годинава ќе се одржи од 28 ноември до 15 декември во три земји, Унгарија, Швајцарија и Австрија. Нашата селекција натпреварите ќе ги игра во Дебрецен.
На денешната ждрепка во Виена, Македонија беше извлечена во рамки на Групата А, каде за ривали доби два гиганти, Шведска и ко-домаќинот Унгарија. Третиот наш ривал е селекцијата на Турција.
Во рамки на првото коло ќе ги одмериме силите со Шведска на 28 ноември, а два дена подоцна играме со Турција. На 2.декември е закажан дуелот со ко-домаќинот Унгарија.
Само првите две репрезентации од групите продолжуваат во главната фаза на турнирот.
Група Б (Дебрецен): Црна Гора, Романија, Србија, Чешка
Група Ц (Базел): Франција, Шпанија, Полска, Португалија
Група Д (Базел): Данска, Швајцарија, Хрватска, Фарски Острови
Група Е (Инсбрук): Норвешка, Австрија, Словенија, Словачка
Група Ф (Инсбрук): Холандија, Германија, Исланд, Украина
Фото: Игор Паневски