Американскиот магазин ,,Тајмс” направи истражување на тема: ,, Највлијателни луѓе за 2024 година”. Во истражувањето за највлијателни лица е направена поделба на професии во кои се имаат истакнато овие луѓе.
Во првата категорија, највлијателни лидери, се наоѓаат бразилската министерка за животна средина и климатски промени, Марина Силва, директорот на ЦИА, Вилијам Барнс и шефот на кабинетот на украинскиот претседател, Андриј Јермак.
Во делот на културата и уметноста се најдоа ѝ јапонскиот режисер Хајао Мијазаки, пејачката Дуа Липа, британскиот актер Дев Пател и австралиската пејачка Кајли Миног.
Во листата се наоѓа и палестинскиот новинар Мотаз Азаиза, кој помина речиси четири месеци документирајќи го животот во Појасот Газа по ескалацијата на палестинско-израелскиот конфликт.
На листата на влијателни луѓе се и американскиот рапер „21 Савич“ (21 Savage), нигерискиот музичар Бурна Бој и американската филмска режисерка Софија Копола.
Меѓу 100 највлијателни луѓе во 2024 година е и канадскиот актер Елиот Пејџ, кој во 2021 година стана првиот трансродовиот маж кој се појави на насловната страница на магазинот Тајм.
На листата се и американскиот актер Колман Доминго, кој играше во ТВ сериите „Еуфорија“ и „Fear the Walking Dead“, канадско-американскиот актер Мајкл Џеј Фокс, познат по улогата на Марти Мекфлај во филмот „Назад во иднината“, како и холандскиот Формула 1 возач Макс Емилијан Верстапен.