Григор Димитров е ѕвезда на мастерсот во Мајами, па откако го елиминираше Карлос Алкараз, го победи и Александер Зверев за да закаже финале против Јаник Синер.
Димитров се пласираше во своето трето мастерс финале во кариерата, а прво во Мајами откако го победи Зверев со 6-4, 6-7 и 6-4. Овој успех на Бугаринот го враќа во ТОП 10 на АТП-листата од понеделник. Последен пат беше меѓу најдобрите десет светски тенисери во ноември 2018 година.
Ривал на Димитров во финалето во недела ќе биде Јаник Синер. Италијанецот ја продолжи фантастичната форма и го прегази Данил Медведев со 6-1 и 6-2. Синер ако го освои турнирот тогаш од понеделник ќе се искачи на 2.место на АТП-ранкингот.
Женското финале во Мајами е закажано за вечерва со почеток од 20 часот помеѓу Даниел Колинс и Елена Рибакина.