Русија тврди дека уништила системи за противвоздушна одбрана од типот „Патроит“ кои биле разместени во околината на Киев. Украинците, истовремено, тврдат дека собориле шест руски ракети од типот „Кинџал“. Доколку првото тврдење е точно, тогаш тоа е прв судир на американско и руско оружје. Доколку, пак, е точно второто тврдење, тогаш претставува уште една шлаканица за руската војска од почетокот на војната, со оглед дека ракетите од споменатиот тип претставуваа гордост на официјална Москва во изминатите години.
Според Игор Конашенков, портпарол на руското Министерство за одбрана, вооружените сили на Русија ноќеска извеле концентрирани удари со прецизно оружје врз воени објекти во Украина.
The occupiers wasted their overvalued missiles, none of them could hit the target.
When the first “Kinzhal” missile was shot down with the help of a “Patriot” complex, they did not believe it at first, until the journalists showed the wreckage. The Russians denied the obvious… pic.twitter.com/F0uKjatT8W
— NEXTA (@nexta_tv) May 16, 2023
„Противвоздушен систем од типот „Патроит“ е уништен со прецизен погодок со хиперсонична ракета „Кинџал““, пренесува ТАСС зборови на Конашенков.
Мета биле пунктови на разместување на Оружените сили на Украина, складишта со муниција, вооружување и воена опрема, вклучувајќи и онаа што е испорачана од западните земји, додаде Конашенков.
„Целта на ударите е постигната. Сите поставени цели се погодени“, истакна Конашенков.
Од Киев сè уште не се произнеле по таквите тврдења. Но, затоа пристигнаа тврдењата за уништување на моќно руско оружје.
„Околу 3 часот утрово, на 16 мај, руските окупатори ја нападнаа Украина од север, од исток и од југ со 18 различни типови на ракети, лансирани од воздух, од море и од копно“, објави врховниот командант на украинските вооружени сили, Валериј Залужњи, додавајќи дека украинските сили пресретнале и собориле шест аеробалистички проектили „Кинџал“ кои, според него, биле лансирани од шест авиони Миг -31К, девет крстосувачки ракети од типот „Калибр“, лансирани од бродови во Црното Море и три проектили лансирани од земја од системите С-400 и Искандер-М.
The Ukrainian Air Force says Russia launched 6 Kinzhal missiles from 6 MiG-31K aircraft, 9 Kalibr cruise missiles from the Black Sea, 3 S-400 or Iskander-M missiles, and 6 Shahed / Geran-2 drones over night, all of which were successfully intercepted.https://t.co/Cu9pZqA2MM pic.twitter.com/k58PEKr9bt
— Rob Lee (@RALee85) May 16, 2023