„Ситуација во авионот“, каква што може да замисли само познатиот Педро Алмодовар. Шпанските филмски икони Антонио Бандерас и Пенелопе Круз накратко се појавуваат во филмот. На почетокот на филмот тие се во улоги на сопружници што работат на аеродоромот, кои ненамерно ќе направат проблем во авионот кој лета од Мадрид за Мексико Сити. Кога авионот е веќе во воздух, пилотите заедно со своите колеги во контролниот центар ќе се обидат да го решат техничкиот дефект, а персоналот на авионот и нивниот шеф ќе се обидат да заборават на личните проблеми и целосно да се посветат на спасувањето на летот и да го направат попријатен за патниците.
Хавиер Камара, Карлос Аресес, Раул Аревало, Антонио де ла Торе, Хуго Силва и други ги играат главните улоги во комедијата за која Алмодовар напиша и сценарио.