„Сакав да избегнам казна од 7 до 15 илајди евра ако не е избран Генерален секретар два месеци по моето назначување. Весна Толева е вршител на должност една година пред мене. Таа не е функционер во советот и нема судир на интереси. Ова е одлука на советот, а не моја.“ Вака, претседателката на Судски совет за Телма го коментира изборот на Толева која и воедно треба да шефува со нејзиниот сопруг.
Генералниот секретар не е функционер. Нејзиниот избор е направен многу претходно пред мене. Судскиот совет ја донесе одлуката. Не се коси со систематизацијата, а нејзиниот сопруг не е мој личен возач, туку еден до двајцата возачи на судски совет. Судир на интереси нема, а оставам случајот до крај да го испита и државната комисија за спречување корупција, за да не се остави никаква дамка. Мислам дека не може да се дискриминира овој случај, а ако има судир на интереси сама е должна да се изземе. Одлуката ја донесе советот, а не јас. Врз расправа на аргументи. Практично ова е наследена состојба. Понатаму законот наложува избор на генсек во рок од 2 месеци по избор на претседател. Во спротивно казните се од 7 до 15 илјади евра, вели Дамева за Телма
Кој кого вози во Судски совет отсега е предмет кај антикорупционерите. Откако сопругата стана Генерален секретар, таа шефува и со нејзниот сопруг – возач. Но, како е избрана или дали има влијание, антикорупциска ќе испитува по допрен глас.
Местото Генерален секретар во Судскиот совет е моќна позиција. Таа е информирана за сите огласи за вработувања во судовите. Претседателката на Судскиот совет Весна Дамева, на почетокот сподели резултати од спроведената внатрешна анкета на вработените, на која Толева добила 11 гласа, а Георгиевска – 14 гласови. Лани во февруари, синот на Весна и Наце, Мартин Толев, бил вработен на местото: Помлад судски соработник во Вишиот управен суд.
Павле Беловски