Стејт департментот вели дека предизвикот на Обединетите нации за дистрибуција на храна и друга помош во Газа е прашање што треба да го решат сите засегнати страни. Портпаролот нa ова американско владино тело Метју Милер смета дека напорите да се обезбеди договор за заложници што ќе доведе до привремен прекин на огнот, ќе реши многу прашања во врска со дистрибуцијата на хуманитарна помош.
„ОН не можат да дистрибуираат храна и друга помош во Газа на начин на кој тие би сакале поради безбедносната ситуација. Значи, тоа е прашање што треба да го решат сите засегнати страни, и тоа е она што ние се обидуваме да го направиме. Ќе кажам дека работиме и на отворање дополнителни премини, за да добиеме хуманитарна помош, покрај Рафах и Керем Шалом, и се надевам на начин што ќе ги олесни некои од проблемите со дистрибуцијата со кои се соочуваме“, изјави Милер.
Зголемената тревога поради гладот низ Газа ги поттикна меѓународните повици за прекин на огнот додека САД, Египет и Катар работат на обезбедување договор меѓу Израел и Хамас за пауза во борбите и ослободување на некои од заложниците кои Хамас ги киднапираше при нападот на 7 октомври.