„Фрустрација на поединци“. Вака лидерот на ВМРО-ДПМНЕ ја коментира идејата на ДУИ, претседател на државата да се бира во Собранието. Изјавата на Ахмети, за него е обид да се сврти вниманието и да се насочи кампањата кон оваа нивна посакувана цел, затоа и треба да се игнорира.
За сличниот став на Таравари, вели дека е помек и не е услов за формирање на влада. Ја одбива и иницијативата на ДУИ, да се воведе функција потпретседател на државата, затоа што смета дека треба да се укинат сите заменички места за да се заштедат средства.
Од 3 март, по партиската конвенција, ќе почнат со собирање на 10 илјади граѓански потписи за Гордана Сиљановска Давкова, иако таа има и поддршка до 30 пратеници. Тврди дека има случаи во кои се даваат пари за потпис, дел од нив се документирани и ќе бидат предадени на надлежната институција.
На четвртиот ден од собирањето на потписи, се` уште никој ја нема потребната бројка. Според податоците на Државната изборна комисија (ДИК) до 25 февруари, вкупно 24.830 граѓани дале потпис за подносителите на кандидатури за претседател на државата.
Далиборка Демјанска Цветановска