Академијата за судии и јавни обвинители ја објави кончената ранг листа на каднидати кои го положиле завршниот испит. Меѓу 57-те положени кандидати, рангиран на 42-то место е Барлет Џафери, синот на собранискиот спикер, со што, тој ги исполнува условите да конкурира за јавен обвинител. Токму поради неговиот прием на Академијата за судии и јавни обвинители Антикорупциска ја обелодени аферата поврзана со правосудниот на Џафери, но и дека откриле уште 450 уверенија со несоодветен степен на образование.
Меѓу останатите кандидати кои го положиле завршниот испит на Академијата има и втора семејна генерација на три обвинителки, ќерката на обвинителката во државното обвинителство Лилјана Спасовска, ќерката на Гордана Смаќоска од Обвинителството за организиран криминал, како и синот на поранешната заменичка на Катица Јанева во Специјалното јавно обвинителство, Елизабета Јосифоска.
На конечната ранг листа на положени кандидати е и снаата на генералниот секретар на Собранието, Цветанка Иванова, како и сопругата на потпретседателот на ВМРО-ДПМНЕ и градоначалникот на општина Аеродром, Тимчо Муцунски.
Во оваа седма генерација дипломци на Академијата е и сопругата на шефот на Обвинителството за гонење на организиран криминал и корупција, Ислам Абази, и поради која тој се повлече од Управниот одбор на Академијата каде беше предложен од Советот на јавни обвинители.
Меѓу положените е и синот на судијата во Апелација, Енвер Беџети, кој со месеци го чуваше во фиока предметот „Таргет Тврдина“, пред да биде поништена пресудата за Мијалков и останатите обвинети за масовно прислушување.
Конечната ранг листа ќе биде испратена до Советот на јавни обвинители и до Судскито совет кои ги избираат судиите и јавните обвинители.