На Агелер, која зборува македонски јазик, ова ќе и биде втор мандат како американски дипломат во Македонија

Ангела Агелер положи официјална заклетва како нова амбасадорка на САД во Македонија на свечена церемонија во Стејт Департментот во Вашингтон.

Агелер која е дипломат од кариера, во земјава треба да пристигне за околу еден месец, а последната дипломатска мисија пред Македонија и била на позицијата заменик амбасадор во Пакистан.

На Агелер, која зборува македонски јазик, ова ќе и биде втор мандат како американски дипломат во Македонија. Пред десетина година таа во амбасадата на САД во земјава ја извршуваше позицијата офицер за односи со јавност.

Агелер на дипломатски мисии била и во американските амбасади во Париз, Њу Делхи, Ханој.