Со 464 гласа „за“, 92 „против“ и 65 воздржани, Европскиот парламент изгласа регулатива за заштита на новинарите, борба против политичкото мешање во уредувачките одлуки и поголема транспарентност на сопственоста на медиумите.
На властите им се забранува да вршат притисок врз новинарите и уредниците да им ги откриваат изворите, да апсат новинари, да им воведуваат санкции, да претресуваат редакции и да инсталираат софтвер за надзор на нивните електронски уреди. Предвиден е и механизам со кој големите онлајн платформи, вклучувајќи ги Фејсбук, X или Инстаграм, нема да можат да ги ограничуваат или бришат независните медиумски содржини. Уредувачката независност на медиумите ќе се обезбедува со забрана за отпуштање новинари пред истекот на договорот, освен ако не исполнуваат професионални критериуми.
Новата регулатива е со цел да се спречи политизацијата на медиумите и недоволната транспарентност на сопственоста на медиумите и кога државата им доделува реклами на медиумите.