Српскиот претседател Александар Вучиќ ги испрати министрите Томислав Момировиќ и Синиша Мали во продавница по намирници за појадок од оние кои од денеска се продаваат по намалени цени во Србија во рамки на акцијата „Подобра цена“. Момировиќ и Мали купија половина килограм „паризер“, два литра јогурт, два леба и мајонез и направија сендвичи во кабинетот на Вучиќ, а оброкот одеше во живо на социјалните мрежи.
„Како што ветивме на оние кои бараа, Момировиќ и Мали отидоа во продавница. Купија половина килограм паризер од домашно производство, купија два литра јогурт, два леба и мајонез за вкупна цена од 585 динари“, вели Вучиќ во видеото.
Српскиот претседател порача дека наредната недела ќе има поевтинување на уште 10 важни производи.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.