„Борбата со корупција треба да е перманентна. Мора да изградиме институции и сиситем кој превентивно ќе делува и ќе одвраќа од идејата дека неказниво ќе поминеш. Ака имаме јаки институции кои перманентно ќе се борат против корупцијата тогаш ќе се намали корупцијата“ – истакна Љубомир Михајловски, претседател на Адвокатската комора.
Тој потенцираше дека мора да се направи воспитно- образовен систем и децата од најмала возраст да се учат дека не треба да се даваат пари или услуги.
Според адвокатот Валентин Зафиров ако има воља кај извршната и законодавната власт тоа може да се реши. „Сега не гледат брз излез од оваа криза. За да тргне судството напред 20-30 години ќе му требаат“, рече тој.
Адвокатот Кадиев каже дека имаме недостаток на јавни обвинители и судии, но смета дека државните органи ги имаат алатките и ако има воља може да се постигне многу повеќе во борбата против корупцијата.