Екс-полицаецот Александар Костовски, осуден за трговија со дете и силување на нејзиниот брат, наместо 18 години, казнет е на 16 години затвор.
Скопскиот апелационен суд одлучи за две години да ја намали првостепената пресуда на Кривичен. Причина за таквата одлука на петмината судии од Апелација – Дуковска, Зимбовска, Димитриевски, Милева и Ајрулахи, се олеснителните околности.
Во објавената пресуда, се наведуваат истите.
Обвинетиот не е претходно осудуван и против него не се водат постапки за други кривични дела, покажал коректното однесување пред судот и признал вина за сторените кривични дела, со што изразил свест за противправноста на своите дејствија, како олеснувачки околности, ценети во нивната севкупност во однос на тежината на делата за кои обвинетиот е огласен за виновен пишува во дел од пресудата на Апелациониот суд Скопје.
Скопска Апелација ја одби жалбата на Обвинителството чиешто барање беше поголема казна затвор.
Обвинетиот првостепено е осуден на 15 години затвор за кривичното дело трговија со дете и 4 години за силување, а се засметува и времето поминато во притвор од 30 ноември минатата година. Пресуда во Кривичен изрече судијката Гаврилова-Ефремова.
За кривичното дело трговија со дете минимална казна е 12 години затвор, а за силување предвидена е казна затвор од една до 10 години.
Жалба имаше поднесено и мајката на силуваните деца, која исто како и обвинителство побара повисока казна за сторителот.
Петар Догов