Oткако Европската канцеларија за борба против измами – ОЛАФ, побара Македонија да врати 2,2 милиони евра европски пари што биле дадени во земјава, а потоа биле злоупотребени во програмата „Еразмус Плус“, молк од државните институции.
Амбасадорот на Европската Унија во земјава Дејвид Гир денеска истакна дека ЕУ очекува Националната агенција да ги спроведе дадените препораки.
Лани земјава доби известување од Европската канцеларија за борба против измами, со барање парите да бидат вратени, а потребата од поврат на средствата била потврдена овој месец и од Генералниот директорат за образование на млади, спорт и култура при Европската комисија.