Мостот „Френсис Скот“ во Балтимор се урна рано утрово откако во него удри голем брод, покажуваат видео снимки од надзорна камера.
Целиот сообраќај се одвива по заобиколен пат, соопшти Транспортната управа на Мериленд (МТА) и засега не е јасно дали има повредени.
Мостот со четири ленти, долг 1,6 километри, се протега преку реката Патапско и служи како најоддалечен пристанишен премин во Балтимор и суштинска врска на меѓудржавниот пат 695 во Балтимор.
Според досега достапните информации, во моментот на уривањето на мостот имало неколку работници, како и најмалку три возила. Се сомнева дека сите завршиле во реката.
Тимови за спасување работат на пронаоѓање на околу 20 луѓе кои можеби паднале во реката кога се урна мостот „Френсис Скот“, извести Кевин Картрајт, директор за комуникации на пожарникарската служба во Балтимор.
„За жал, вели тој во изјава за Си-Ен-Ен, имаме информација дека има околу 20 лица кои можеби се во реката Патапско, како и повеќе возила“.
Картрајт рече дека тимовите на американската крајбрежна стража, како и тим на нуркачи ја пребаруваат реката, температурата е околу пристаништето е -1 °C.
BREAKING: Ship collides with Francis Scott Key Bridge in Baltimore, causing it to collapse pic.twitter.com/OcOrSjOCRn
— BNO News (@BNONews) March 26, 2024
Мостот се протега на реката Патапско и служи како најоддалечен премин преку пристаништето Балтимор.
Мостот, кој е отворен во 1977 година, го добил името по писателот на „Звезденото знаме“, пишува МТА на својата веб-страница, пренесува Си-Ен-Ен.
Се верува дека Френсис Скот Ки седел во близина на местото на мостот додека бил сведок на бомбардирањето на Форт Мекхенри во 1814 година, што го инспирирало да ги напише зборовите на американската национална химна.
Пристаништето Балтимор управуваше со повеќе од 52 милиони тони меѓународен товар во вредност од повеќе од 80 милијарди долари минатата година – деветтото по големина меѓу американските пристаништа, според веб-страницата на владата на Мериленд.
Градоначалникот на Балтимор, Брендон М. Скот на платформата X напиша дека службите за итни случаи се на местото на несреќата и дека почнале со работа. Сѐ уште не е јасно колку возила се наоѓале на мостот во моментот на несреќата. Исто така нема информации за евентуални жртви.