Адвокатот Василиј Дубков, кој го застапуваше починатиот опозициски лидер, Алексеј Навални и ја придружуваше неговата мајка во минатата недела додека апелираше до властите да и го предадат телото, е уапсен денеска во Москва, јавуваат руските медиуми.
За апсењето на Дубков, кое е реализирано под обвинение за „кршење на јавниот ред“, прв објави независниот руски весник „Новаја Газета Европа“.
Дубков беше клучен играч во настојувањата за враќање на телото на Алексеј Навални кај семејството, по неговата смрт на 16 февруари во казнената колонија ИК-3 на Сибир, откако му се слошило за време на дневна прошетка.
Руските власти, според поддржувачите и семејството на Навални, одбиле да го предадат неговото тело на мајка му Људмила да го погреба, освен ако не се согласи на приватна церемонија. Официјален Кремљ негира уцени од таков вид кон ожалостеното семејство.