Коверт со неидентификуван бел прав бил испратен во домот на Доналд Трамп Јуниор, најстариот син на поранешниот американски претседател. Според извор запознаен со случајот, резултатите од тестовите за супстанцата се нејасни, но властите не веруваат дека е смртоносна материја.
Трамп Јуниор е задолжен за предизборните работи на неговиот татко, а ова му е втор ваков инцидент. Во 2018 година, неговата тогашна сопруга Ванеса била однесена во болница во Њујорк откако отворила коверт адресиран до нејзиниот сопруг, во кој, исто така имало неидентификуван бел прав.
Коверти со бел прав двапати пристигнаа и во 2016 година во „Кулата Трамп“, која служеше како изборен штаб на екс-претседателот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.