Доналд Трамп испадна од листата на 400 најбогати луѓе во САД што ја објави магазинот Форбс, додека во Њујорк продолжува судењето на поранешниот претседател за бизнис измами.
„Доналд Трамп повеќе не е доволно богат за најексклузивниот клуб во земјата“, објави Форбс.
„Со проценето богатство од 2,6 милијарди долари, тој е 300 милиони долари под листата на Форбс на 400 најбогати Американци“, велат тие.
Според Форбс, падот на нето вредноста на Трамп од 600 милиони долари во голема мера се должи на проблемите и падот на вредноста на „Трат сошл“, платформата за социјални медиуми што тој ја формираше откако беше исфрлен од Твитер и Фејсбук поради нападите на неговите поддржувачи врз Конгресот.
„Портфолиото на Трамп со недвижнини, на кое го изгради своето име пред да влезе во политиката во 2015 година, исто така доби удар. Форбс истакнува дека има светла точка во портфолиото на Трамп, а тоа е неговиот бизнис со терените за голф, кој се опорави по падот за време на престојот на Трамп во Белата куќа“, пишува Гардијан.