Тројно убиство во англискиот град Нотингем. Полицијата пронајде три мртви лица, а други тројца се повредени во два одделни но, поврзани инциденти.
Повредените биле прегазени од возило комбе. Полицијата соопшти дека службите за итни случаи реагирале веднаш при што уапсено е едно осомничено лице.
Патиштата во градот се затворени додека надлежните го истражуваат случајот за да утврдат дали можеби во убиството има инволвирани и други лица.
Услугите за патници ги прекина и градската трамвајска мрежа. Нотингем е град со околу 350 илјади жители, и се наоѓа на околу 190 километри северно од Лондон.
- Ова е ужасен и трагичен инцидент во кој одземени се животи на три лица, рече началникот на полицаецот Кејт Мејнел.
Таа соопшти дека две лица биле пронајдени мртви на една улица, а трето на друга улица, одвоено од инцидентот со комбето.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.