Авионот со кинескиот претседател Си Џинпинг слета на аеродромот Внуково кај Москва. Летот на Боингот 747-89Л на компанијата „ЕР Чајна“ од Пекинг кон руската престолнина го следеа над 100.000 луѓе преку специјализираната интернет страница „Флајрадар“.
Посетата на Џинпинг на Русија ќе трае од 20 до 22 март. Тоа е негово прво излегување од Кина по добивање на третиот претседателски мандат, но и од почетокот на војната во Украина.
Лидерот на третата светска економија во експанзија нема класичен претседателски авион. За патување користи исклучиво цивилен авион „Боинг 747-89Л“ кој за вакви прилики, кинескиот државен врв ги изнајмува од компанијата „Ер Чајна“.
Авионот е со капацитет за 366 патници кои во економско-патничката класа седат во формација 3-4-3, а во првата класа на долниот кат во формација 2-3-2. Горниот кат е со распоред на седишта 3-3 во економската класа и 2-2 во прва класа.