Со намален буџет од Министерството за култура и со неизвесност дали воопшто Град Скопје ќе ги подржи финансиски, Дирекцијата за култура и уметност го организира 43 „ Скопско лето“, кое традиционално започнува на 21 јуни. Директорот на Дирекцијата за култура, на денешната прес конференција кажа дека со претходниот градоначалник Шилегов склучиле договор за двегодишна соработка и лани добиле 1 500 000 денари за „ Скопско лето“.А, поради недостатокот на сретства и неизвесноста околу дотацијата од Градот, годинашново издание на најголемиот летен фестивал во Скопје ќе има само 30- тина настани.
„Кафе киното“ ќе го нема токму заради овие причини. Затоа што драстично се намалени сретставата од Министерството за култура. А, во една голема непознаница сме во однос на подршката од Град Скопје и нешто моравме на жртвуваме – изјави Никола Глигоров, директор на Дирекцијата за култура и уметност.
Во минатото за „ Скопско лето“, Дирекцијата за култура од Министерството за култура и од Град Скопје добиваше по 2 милиони денари, а годинава од ресорот Култура им одобрија 400 000 денари кои за сега се единствена финансиска сигурност. И покрај интензивната комуникација со Градот, останува надежта дека фестивалот ќе биде подржан. Според Глигоров , домашните уметниците не се алчни за пари, повеќе возвраќаат од тоа што ќе го добијат, а третманот кон „ Скопско лето“, треба да се смени зашто на него настапуваат и странски уметници.
Ние комуницираме не само со домашни и со странски уметници. И не може да бидеме третирани само како еден обичен проект . Значи треба да имаме некаква основа за да барем со гостите од странство, ако веќе нашите уметници знаат каква е ситуацијава во државата и воопшто во градот, да се обидеме да имаме некаква основа за тоа да го направиме, вели Глигоров.
Од Град Скопје велат дека договорот на Дирекцијата за култура со градот е спорен, како и решението за долгогодишно финансирање, од причина што буџетот и програмата за култура Градот ги носи на годишна основа, па Дирекцијата за „Скопско лето“ требало да аплицира лани на повикот за програмата за оваа година.
Дирекцијата за култура за „ Скопско лето“,се надева на финансиска помош и од Општина Центар.
Сотир Трајков