Само еден делегат од таборот на Села бил против да влезат во коалиција со ДУИ. Останатите 115-на од Централното собрание гласале „за„, ова крило од Алијанса за Албанците да се приклучи на Европскиот фронт предводен од Али Ахмети. Села ќе ја предводи листата на оваа коалиција во 5-та изборна единица, а очекуваат и 5 до 6 пратенички места.
На сигурни пратенички позиции се и досегашните пратеници Илире Даути и Елми Азири, како и Наим Бајрами.
Во оваа коалиција се обезбедени пратенички позиции и за претседателите на партиите кои им се приклучија, Скендер Реџепи Зејд од Народната партија, Арјанит Хоџа од Европска демократска партија, Мендух Тачи од ДПА и Иљаз Бејџан од Демократска партија на Турците. На висока позиција ќе се најде и сопругата на Курто Дудуш од Унијата на Ромите за која, како што дознаваме е резервирана петтата позиција во втората изборна единица.
Со исклучок на Села, неофицијално носителите на листите на Европскиот фронт се од ДУИ, и тоа Блерим Беџети во „единицата“,Садула Дураку во „двојката“,Сулејман Баки во тројката, и традиционално, Али Ахмети Шестата изборна единица.
Далиборка Демјанска Цветановска