Нобеловата награда за медицина овва година ја добија двајца научници кои ја развија технологијата којва доведе до мРНА вакцините против Ковид-19. Биохемичарката Каталин Карико и д-р Дру Вајсман уште од 90 години на минатиот век работеле на технологијата која доведе до создавање на вакцините со кои се имунизираа милиони луѓе во светот за време на пандемијата.
Овогодишните нобелови лауреати Каталин Карико и Дру Вајсман започнале да работат заедно на Универзитетот во Пенсилванија, потпирајќи се на својата високо комплементарна експертиза. Карико има искуство во РНК биохемија и силна визија за РНК базинари терапии. Вајсман има искуство во имунологија, работејќи со дендритични клетки и нивната улога во имунолошкиот надзор и вакцинацијата, соопштија од нобеловиот комитет.