Западноафриканскиот регионален блок „ЕКОВАС“ им даде рок на водачите на државниот удар во Нигер до денеска да го ослободат претседателот Мохамед Базум и да ја вратат земјата на демократско владеење.
Ако не го сторат тоа, би можело да се издаде наредба за воена интервенција.
Во главниот град на Нигер, Ниамеј, доцна синоќа биле забележани мали групи локални жители кои даваат поддршка на државниот удар како патролираа на патиштата во земјата.
Секојдневните демонстрации низ целата земја се организирани и емитувани на државната телевизија контролирана од војската за да се прикаже огромна поддршка на народот за пучот.
Нејзините водачи тврдат дека го собориле претседателот за да им помогнат подобро да се борат против џихадистичките бунтовници и да ја запрат корупцијата.