Руските сили рано утринава извршија интензивен воздушен напад врз Киев користејќи беспилотни летала и крстаречки бродови, а можеби и балистички ракети, објавија градските власти. Ова е осми воздушен напад овој месец.
Врховниот командант на вооружените сили на Украина Валериј Залужни изјави денеска дека украинските сили ги собориле сите 18 проектили лансирани од руските сили во ноќешниот интензивен напад, вклучително и шест проектили Кинжал.
Тој изјави дека руските сили ја нападнале Украина од север, југ и исток со 18 ракети од различен тип од воздух, море и копно.
Според него, Русија истрелала шест ракети Кинжал од авиони МиГ-31К, девет крстаречки ракети Калибар од бродови во Црното Море и три ракети Искандер од копно.
Британската влада вчера ѝ вети на Украина испорака на стотици ракети за противвоздушна одбрана и борбени дронови. Новата воена помош ќе биде испорачана „во наредните месеци“, соопшти Лондон.