Загадената вода за пиење и недостигот на санитарна инфраструктура ги загрозуваат животите на децата ширум светот, соопшти УНИЦЕФ.
„Секој ден, повеќе од 1.000 деца на возраст под пет години умираат од болести што се предизвикани од загадена вода, недостиг на санитарни услови и лоша хигиена.. Вкупно 190 милиони деца во 10 африкански земји се изложени на ризик“, покажува новата анализа на организацијата.
Ситуацијата е најсериозна во земјите од Западна и Централна Африка, каде постои нестабилност и вооружени конфликти.