Замрзнувањето на цените на производите не може да трае вечно, особено во општество каде владее пазарот. Од организацијата на работодавачи велат дека ваквиот чекор поскапо ја чини државната каса, отколку да се преземеше обврска со која ќе се одвоеја средства со кои ќе им се помогне на најзагрозените.
Претседателот на Организацијата на работодавачите, Ангел Димитров, во изјава за ТВ24 предлага наместо замрзнување на цената на лебот, владата да одвои по 2.000 денари за најзагрозените категории на граѓани, оние со најниски примања и социјални случаи. Вака, вели, само се расправа со цело стопанство.
Според неговите пресметки, субвенциите за струја ја чинеле државата поскапо отколку што би ја чинело доколку парите ги наменела за помош на сиромашните.