Скопје и денеска во трка за најзагаден град во светот. Со индекс на загаденост од 150 микрограми на кубен метар ПМ 2,5 честички, и 200 ПМ10 честички го дели третото место со Сараево. Пред него се Делхи и Бишек во Киргистан. Најчист воздух од регионот дишат Загрепчани.
Во главниот град, во населбите Центар и Лисиче е надмината вредноста на загадувачки супстанци од 150 микрограми на кубен метар во изминативе два дена, поради што стапуваат на сила препораките и мерките во случај на надминат праг на алармирање, соопштија од министерство за животна средина.
Согласно препораките на здравство, работодавците треба да ги ослободат од работни обврски бремените жени, лицата постари од 60 години, како и лицата со хронична астма, прележан миокарден инфаркт или мозочен удар, без разлика на возраста.