Поранешен министер за одбрана и потпретседател на СДСМ, Радмила Шекеринска, во Берлин е избрана за потпретседател на Партијата на европски социјалисти (ПЕС).
-Ми претставува огромна чест да ве информирам дека на Когресот во Берлин ме избраа за потпретседател на Партијата на европски социјалисти (ПЕС). Честа е дотолку поголема што ова е прв пат ПЕС да избере на таа позиција личност која доаѓа од земја која не е членка на Европската унија, пишува Шекеринска на својот фејсбук-профил.
Таа изразува благодарност до новиот претседател на партијата Стефан Лвен, кој го дал предлогот и до сите нејзините колеги кои го поддржале.
Честитка за нејзиниот избор и упати и премиерот и лидер на СДСМ, Димитар Ковачевски кој меѓу другото во пораката на фејсбук оцени дека ова е голем успех за земјата и за сите македонски социјалдемократи.
-Честитки Радмила! Изборот за потпретседател на Партијата на европски социјалисти (ПЕС) е голем успех и убава вест за земјата и за сите македонски социјалдемократи! Особено што ова е прв пат ПЕС да избере на таа позиција – потпретседател, личност која доаѓа од земја која се уште не е полноправна членка на ЕУ! Благодарност до ПЕС за поддршката и за одлуката! Радмила Шекеринска е вистинскиот избор!, напиша на ФБ премиерот Ковачевски.