Исчезнувањето на сточарството директно влијае врз губење на квалитетот на почвата, тврдат експертите. Намалувањето на сточниот фонд доведува и до намалување на производството на домашно арско ѓубре поради што почвата е сѐ посиромашна.
Универзитетскиот професор Душан Спасов вели дека квалитетот на почвата се губи и поради нередовните агрохемиски анализи. Земјоделците сѐ уште немаат навика да го следат составот на почвата што придонесува до послаб квалитет и приноси.
Струмичките ниви не само што губат на квалитет, туку и губат на атрактивност затоа што речиси третина од плодната површина во Струмица останува необработена.
Сузана Мицева