Само 14% од жените користат модерни методи на контрацепција, а од нив само 1,1% користат орална контрацепција. Додека пак од девојките кои не се во брачна заедница 21% користат некој вид на модерна контрацепција. Во споредба со 2005 година овие бројки полека одат во пораст, но се уште е многу ниска свеста кај сите велат од Хера.
-Уште повеќе разочарува и фактот дека повеќе 35% од младите се уште се потпираат на прекинување на сексуалниот однос како традиционална метода за спречување на бременоста, која носи и поголем ризик од непланирана бременост, вели Драгана Каровска Чемерска, програмска раководителка на Хера.
Причината за нискиот процент на користење модерната контрацепција е нивната висока цена и недоволната едукација кај сите, а особено младите.
-Со ревидирање на позитивната листа, односно со изготвување на предлог листа на лекови кои паѓаат на товар на фондот сметам дека ќе има промени и во делот на контрацептивната терапија каде што ќе бидат ставени и некои препарати и ќе бидат подостапни за младите. Тие ќе имаат можност да добијат поевтин лек на рецепт, вели Весна Ставрова, претседателка на Фармацевтската комора на Македонија.
-Ние имаме генерација на млади кои се срамат и плашат да прашаат нешто за сексуалното здравје за да не бидат етикирани. Немаме сензибилизиран кадар, а штом стручниот кадар не ни е извор на добрина како да очекуваме од обичниот човек да се однесува со емпатија, вели Марија Ѓорѓиевска, Членка на младинска група за застапување на сексуано и репродуктивно здравје.
Надлежните велат дека последиците од не користење на контрацептивни средства се многу големи што дури го менуваат и текот на нивниот живот и апелираат до сите да ги користат.
Тамара Марковска