Се работи на тоа матичните лекари да можат да ги препишуваат хроничните терапии кои на пациентите им се препишани од докторите специјалисти. Министерот за здравство Меџити смета дека сообраќајниот хаос на Клинички дополнително би се намалил, ако луѓето од внатрешноста не доаѓаат до Скопје за да им се препише терапијата.
- Проценките се дека на годишно ниво, половина милион луѓе од внатрешноста доаѓаат на Клинички, и така се прави дополнителен хаос во сообраќајот, но големи се и финансиските импликации. Ако сте вие или јас од Кочани или од Струга и доаѓам од таму, треба да изгубиме еден ден и 2000 денари само за еден лек да се препише. Тоа се околу 30% од секојдневните пациенти, според нашите проценки.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.