Ф- 400, или најголемата градска цевка низ која се пренесува гас. Изградена пред повеќе од 20 години ги поврзува индустриските капацитети во старата Железарница па се до гигантот УСЈЕ.
Вкопана е на безбедно растојание на источната страна на булеварот „Србија“. Од националните енергетски ресурси се зачудени како планерите на деталниот урбанистички план вцртале четири 10-катници токму над најголемата гасоводна мрежа.
Оттаму брифираат дека подземната инсталција постои во генералниот урбанистички план, а нејзиното дислоцирање е инвестиција од стотици илјади евра на трошок на инвеститорот доколку поднесе барање и ги уплати средствата.
Прописите наложуваат темелот на зградата да биде оддалечен најмалку 3 метри од цевката.
Но, и оваа состојба не била пречка општина Аеродром да изработи детален урбанистички план за Лисиче и да предвиди изграда на станбени објекти, на кој граѓаните вложија стотци забелешки, а инвеститори веќе вложуваат купувајќи градежно земјиште.
Градоначалникот Муцунски вели дека не се меша во постапката, но се надева дека планот е во согласнсот со скопскиот ГУП.
Инвеститори веќе пикираат градежни парцели кои во целост се приватно земјиште.
Првичната цел со дупот за Лисиче е да никнат 9 станбени згради и до 12 ката. Што ќе остане, а што ќе отпадне од предвиденото, последниот збор ќе го имаат советниците пред кои ќе биде изнесен на гласање идниот ДУП.
Додека опозицијата во општината критикува дека постојат елементи на корупција и прст вперува во сегашната локална власт, Муцунски ги препраќа до истражните органи и антикорупциска.
Стои на тврдењето дека планот е заснован во 2019-та година кога на власт е сега опозициската СДСМ во општината. Од граѓанската иницијатива „Да го заштитиме Лисиче“ не сакаат згради во делот од Скопје во кои се одлучиле да домуваат во куќи.
Муцунски, смета дека планерите се воделе по веќе посточеките ДУО-ови во непосредна близина кои изобилуваат со вцртани маркички за станбени блокови.
Павле Беловски