СДСМ денеска ќе поднесе иницијатива за вонредна седница на Советот на Град Скопје за загадениот воздух во главниот град.
Дополнително, СДСМ преку советничката група во Совететот предлага и конкретни мерки за намалување на загадувањето во Скопје:
1. Итно зголемување на бројот на автобуси на сите линии во јавниот градски превоз.
2. Воведување бесплатен превоз за сите граѓани во Скопје.
3. Итна пренамена на пари во Буџетот на Град Скопје, за зголемување на средствата за борба против загадувањето.
4. Финансиска помош за училиштата за адаптирање на системот за затоплување на еколошки енергенси, (замена на котлите во системот на затоплување).
5. Изготвување акциски план за чистење на сите депонии во Скопје.
6. Чистење/миење на улиците и јавните површини со помош на цистерни.
7. Безусловно интензивно постапување на инспекторите во вршењето на својата должност.
Загадениот воздух во главниот град изминатите денови е на алармантно високо ниво.
СДС да преземе мерки за намалување на загадувањето, а на тајните состаноци со Арсовска, Ковачевски да побара реакција и од градот, се вели во соопштението испратено од ВМРО – ДПМНЕ.
„7 години откако е СДС на власт, а ниту една мерка за намалување на загадувањето не е преземена. Од потрошени 20 милијарди преку буџетите, ниту едно евро не е инвестирано за почист воздух. СДС пред да дојде на власт имаше главно ветување дека ќе го намали загадувањето, 7 години подоцна воздухот е уште позагаден“, велат од опозицијата.