Новиот претседател на Алијанса за Албанците, Арбен Таравари, по денешниот вонреден партиски конгрес рече дека политиките на партијата остануваат како и досега, а дали ќе влезат во Влада ќе соопштат откако ќе се формира Централното претседателство. Посочи дека веќе има контакти и комуникација помеѓу пратениците, но нема конкретна понуда за министерски места.
Не исклучувам можност, меѓутоа засега нема таква понуда да речам. Но, ви велам јас очекувам да се формираат партиските тела. Без тоа како да одлучува еден човек, посочи Таравари.
Таравари беше избран со мнозинство гласови, а поддршка му даде и досегашниот лидер, Зиадин Села. Партијата веќе од утре ќе се подготвува за парламентарни избори, без разлика дали редовни или вонредни.
Таравари минатиот месец се сретна со премиерот , но од таа средба рече дека не добил никаква понуда за влез во владата, но ако се случи тоа, рече дека партијата нема да ги помине црвените линии кои се неопходни за да продлжат да преговараат. Од Алтеренатива пак остануваат на ставот дека АА нема најави дека ќе стане дел од владиното мнозинство. Според министерот за здравство, Сали кој е кадар на Алтернатива, Алијанса за Албанците сѐ повеќе се оддалечува од владините политики и затоа вели дека нема знаци на зближување со владините политики.
Данијела Билбилоска