Членовите на Судско-медиумскиот совет на денешната седница одлучија до Министерството за правда да поднесат иницијатива за промена на Законот за движење и управување со предметите, со кој се бара да бидат објавени сите судски одлуки, а не само правосилните, какво што е моменталното законско решение.
Одлуката за ваква инцијатива Судско-медиумскиот совет ја донесе едногласно.
Иницијатвиа е за промена на членот 9 од законот, кој што пропишува дека судовите ги објавуваат само правосилните одлуки, во насока на тоа дека и неправосилните одлуки, како што тоа беше нормирано во стариот закон, ќе бидат објавени во анонимизирана верзија.
Судско-медиумскиот совет, исто така, го поздравува усвоениот начелен став на општата седница на Врховниот суд дека „достапноста до судските одлуки е особено значајно за судската, стручната, медиумската и граѓанската јавност“.