По втор пат пред Советот на јавни обвинители – Мустафа Хајрулахи, единствениот кандидат за скопски Виш јавен обвинител во петок повторно ќе се соочи со колегите, кои пред околу седум месеци не ги штедеа критиките за неговото работење. Му најдоа низа забелешки, огромна бројка на заостанати предистраги и истраги, а нејасно е и зошто нема ниту една конфискација на нелегално стекнат имот.
Меѓу прашањата на обвинителите до Харулахи, и „Зошто мерките притвор во кумановското обвинителство се зголемени за 300 отсто во однос на 2020-та“? А, нема податоци ниту за бројот на преземените истраги во скопското.
И покрај ваквите забелешки, Хајлулахи сепак добил зелено светло од обвинителите да се кандидира за оваа позиција. Веб – медиумот СДК.МК повикувајќи се на изјави на обвинители, објави дека никој не се пријавува за оваа важна позиција, бидејќи Вишото скопско обвинителство е договорено и ветено на ДУИ.