Со денешниот извоз на последните три контејнери со околу 63 тони почва загадена со линдан од малата депонија во поранешната фабрика ОХИС во Скопје се финализира „Лот“ 3 (Дел 3) чија крајна дестинација, како што информираат од Државниот инспекторат за животна средина (ДИЖС), е фирмата Indaver HIM Gmbh во Германија.
Воедно, денеска ќе бидат извезени и првите шест контејнери со отпад од линдан во вкупна количина од околу 120 тони од „Лот“ 4. Крајната дестинација на овие контејнери е во фирмата Tredi Sv. Vulbas во Франција.