Истражувањата спроведени минатата година во Македонија, покажаа дека децата имаат се поголеми проблеми кога е во прашање вниманието, концентрацијата и брзината на реагирање во училишните клупи. Во истражувањата беа опфатени 2032 ученици, на возраст од 7 до 15 години, на територија на целата држава.
Истражувањето „Когнитивно функционирање на децата на возраст од 7 до 15 години“, спроведено од Проф. д-р Слаѓана Анѓелкоска, има за цел да ги воочи когнитивните постигнувања на децата во делот на внимание, концентрација, помнење, меморирање, фокус, визуопросторна ориентација, моторика и да ја утврди фактичката состојба. Целта е да се превземат мерки, наспроти зачестеното алармирање од страна на наставниците, психолозите, педагозите и родителите, дека децата имаат сè поголеми тешкотии во совладување на наставните содржини, на часовите, но и дома.
Резултатите покажаа дека во сите возрасни групи, имаат намалена одржливост на когнитивно функционирање при решавање на одредена задача.