Седуммина, меѓу кои и десетгодишно девојче, се убиени во синоќешниот руски ракетен напад врз регионот Одеса, додека седум лица се повредени, изјави регионалниот гувернер Олех Кипер.
Тој преку каналот Телеграм, соопшти дека едно повредено лице е во тешка состојба и нему ми се ампутирани двете нозе.
Екипите за итна помош се на терен, а „лекарите прават се што можат“. Проектилите, за кои се верува дека се балистички ракети „Искандер-М“, биле насочен кон транспортни објекти, а била погодена и бензинска пумпа.
Одеса е едно од најфрекфентните украински пристаништа и е честа цел на руските напади за време на 25-месечната војна.
Борел ја повика ЕУ да ја забрза воената поддршка за Украина
Високиот претставник на ЕУ за надворешна политика и безбедност, Жозеп Борел телефонски разговараше со шефот на украинската дипломатија, Дмитро Кулеба, за напорите на ЕУ да ја забрза воената поддршка на Украина.
Тој изјави дека на следниот заеднички состанок на министрите за надворешни работи и одбрана на ЕУ, на 22 април, ќе се заложи за забрзана акција.
„Украина не може да чека“, вели шефот на европската дипломатија. Кулеба изјави дека украинската страна работи на сите нивоа на зајакнување на украинската противвоздушна одбрана.
Украинското Министерство за надворешни работи на својот канал на Телеграм, соопшти дека Кулеба и Борел разговарале за „чекорите преземени во согласност со инструкциите на украинскиот претседател Володимир Зеленски за испорака на дополнителни системи за противвоздушна одбрана „Патриот“ во Украина“.