Нашата непрофесионална дипломатија ги загуби сите битки, изјави Максим Димитриевски, градоначалник на Куманово, лидер на Движењето ЗНАМ и претседателски кандидат, во вечерашното интервју на ТВ Телма.
„Затоа мора да ги консолидираме редовите во дипломатијата. Додека имате луѓе кои што ви доаѓаат полуобразовани да ви бидат дипломати од кариера, а вистинските дипломати ги ставате по ќошевите да решаваат крстозборки во министерството за надворешни работи, вие не можете да имате сериозен резултат, бидејќи сите битки ги губите на маса, кога ќе седнете да разговарате“, истакна Димитриевски.
Димитриевски најави успешно решавање на проблемите со Бугарија. Според него, рецептот е на релација Скопје – Софија, со посредство на стратешките партнери на земјата.