Голем број муслимани го празнуваа Рамазан Бајрам ширум светот. Празникот се одбележува и на Блискиот Исток, но под превезот на војната која со месеци беснее во малата енклава. Утрово хоризонтот во Појасот Газа утрово беше исполнет со густ црн чад кој доаѓаше од насоката на Кан Јунис.
Децата во кампот Муваси си играа во импровизираното панорамско тркало. Муваси е импровизиран шаторски камп каде илјадници Палестинци живеат во лоши услови на расфрлани фарми, раселени од своите домови поради конфликтот кој беснее во нивна близина.
На Западниот Брег муслиманите годинашниот Бајрам го одбележуваат со молитви за жртвите од војната во Газа и за ставање крај на страдањата на своите браќа.
Ова е ден на Бајрам, ден на Бајрам и покрај чистите жртви, ден на Бајрам и покрај раните што крвари и страшната болка, и покрај офкањата на повредените, лелекот на напатените и плачот на ужалените и бездомниците, и покрај војната за истребување што се води против нашиот народ во Газа и покрај убиствата и уништувањата, порача имамот Џамал Хамдан.
Израелските трупи на почетокот од неделава се повлекоа од јужниот дел на Газа, а по неколкумесечни борби и бомбардирање, зад себе оставија огромно уништување.
Никогаш не замислував дека еден ден ќе дојдеме до ваква фаза. Тешко е да се опише искрено, тешко е да се опише, изгубени соништа меѓу овие згради и животи, деца кои талкаа по овие улици, рече Хатем ал Масри.
Празникот Рамазан Бајрам годинава го одбележуваат и муслиманските верници во Израел. Во Ерусалим, светиот град, утрово можеше да се забележи силно полициско обезбедување на голем број локации.
Израел ја започна војната како одговор на терористичкиот напад на Хамас, во кој милитантите убија 1.200 луѓе, главно цивили, а со себе зедоа околу 250 луѓе како заложници.
Александар Петрески