САД уште еднаш го повикаа Косово да ја преиспита одлуката за забранување на употребата на динарот на северот од земјата, посочувајќи дека целта на една влада треба да биде подобрување на животот на нејзините граѓани, а не негово осиромашување и отежнување на секојдневниот живот.
Во брифинг со медиуми од Балканот, помошникот државен секретар за европски и евроазиски прашања, Џејмс О’Брајан го повтори ставот на САД дека и двете страни треба да работат на намалување на тензиите и да се воздржат од чекори кои може да се сфатат како провокации.
О’Брајан потсети дека со последните договори и Приштина и Белград преземале одредени обврски, кои сега треба да се исполнат.