Рускиот опозициски лидер Алексеј Навални ќе биде погребан во петок во Москва, соопшти неговата портпаролка, Кира Јармиш.
Според неа, опелото ќе се одржи на Борисовите гробишта по прошталната церемонија во округот Марјино, објави „Би-Би-Си“.
Навални почина во затвор на 16 февруари, каде служеше 30-годишна казна за, како што е наведено во една од пресудите на судот, основање и финансирање на екстремистичка организација и нејзините активности. Беше и остар критичар на политиките на Путин.
Јармиш потврди дека телото на Навални е предадено на неговата мајка на 24 февруари. Таа информира дека медицинскиот извештај на руските власти се наведува дека Навални починал од природна смрт.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.