Францускиот претседател Емануел Макрон денеска изјави дека, што се однесува до неговата земја, визната либерализација за Косово е суспендирана. На заедничката прес-конференција со албанскиот премиер Еди Рама, тој порача оти од властите во Белград и во Приштина очекува да организираат нови избори во четирите општини на северот на Косово и да формираат Заедница на општини со мнозинско српско население.
„Ова го велам јасно – им верувавме по прашањето за виз, Франција го суспендира тоа прашање, бидејќи станива збор за почитување на даден збор, а зборот не се одржува. Од двете страни очекувам да се обврзат дека ќе напредуваат во наредните недели. Тоа е услов за мир во целиот регион“, рече Макрон.
Европската Унија претходно оваа година одлука визната либерализација за Косово да стапи на сила на 1 јануари во 2024 година.
„Франција и Германија дадоа предлог, кој е водечки, и за кој мислам дека е силен и добар и очекувам да биде прифатен од двете страни. Мислам дека е одговорност и на српскиот претседател Александар Вучиќ да го осуди чинот од 24 септември, бидејќи придонесува за враќање на затишјето на границата“, истакна францускиот претседател.
„Она што го очекуваме од властите на Србија и на Косово е едноставно – повторна организација на избори во општините во кои се одржани во несоодветни услови, учество на Србите во нив и во институциите и признавање на Заедницата на српски општини од властите во Косово“, рече Макрон.
Премиерот на Албанија, Еди Рама ги повика косовските власти да го потпишат француско-германскиот предлог.