Хуманитарната канцеларија на ОН соопшти дека 263.000 луѓе се раселени во Газа, од почетокот на бомбардирањето на Израел врз областа.
Од таму информираат дека повеќе од 1.000 станбени единици се уништени, а околу 560 се сериозно оштетени и непогодни за живеење.
Портпаролот на хуманитарната канцеларија на ОН, Стефан Дужариќ забележува и дека болниците се соочуваат со недостаток на медицински материјали.
Војната според нивните проценки до сега однесе повеќе од 2.200 животи од двете страни, а очекувањата се дека допрва се очекува ескалација на состојбата.
Претставникот на ОН за Блискиот Исток е во Каиро и работи со другите клучни регионални и меѓународни партнери и египетската влада на ставање крај на конфликтот Хамас-Израел, спречување на неговото проширување и отворање хуманитарен коридор за испорака на гориво, храна и вода.