Владата упорно инсистира на разговори на сите нивоа за да обезбеди уставни измени.Но, највисокото, лидерско ниво, ќе почека. Таква средба би се случила само доколку има нешто ново околу процесот.
Ковачевски повторно ја критикуваше опозицијата дека досега не поддржале ниту една стратешка одлука на државата велејќи дека, токму сега е моментот да се смени оваа пракса.
Потсети дека и од Европската комисија го поздравуваат процесот за уставни измени. Додаде и дека, изјавата на францускиот претседател дека, ЕУ тешко функционира и со 27 земји членки, а со 32 или 35 нема да биде полесно, е погрешно протолкувана.
Вели дека, со идејата за „Европа во повеќе брзини„, Макрон всушност сакал да каже дека тие што се побрзи со реформите, побрзо ќе влезат во унијата.Толкува дека, позитивниот сигнал од Европа е тука, дека тој работи на тоа, Македонија да биде првата држава што до 2030 –та година ќе влезе во унијата, но опозицијата влече кон изолација. Тие, пак, и денеска му порачаа да престане да ја замајува јавноста.
Од оваа партија го повторија ставот дека, владата е криминална и корумпирана и се потребни избори.
Далиборка Демјанска Цветановска