Турскиот претседател Реџеп Таип Ердоган се согласи да ја поддржи Шведска за влез во НАТО, и да го почне процесот на ратификација, изјави генералниот секретар на Алијансата, Јенс Столтенберг, на вечерашната прес конференција.
Столтенберг претходно изјави дека на првиот состанок со турскиот претседател ќе се обиде да го разубеди и да го промени мислењето да не ја блокира Шведска за влез во Алијансата.
Ердоган претходно го услови членството на Шведска ако се отвори и патот за Турција кон европското семејство, која со години чека пред портите на ЕУ. Од официјален Брисел го одбија барањето, објаснувајќи дека тоа се два различни процеси и дека не треба да се поврзуваат, бидејќи станува збор за две различни институции, иако процесите може да се одвиваат паралелно. И од Берлин, герамснкиот канцелар го потврди ставот на официјален Брисел.